പെരുമ്പാവൂറ്‍: മാലിന്യനീക്കം സ്തംഭിച്ച നഗരസഭയിലെ സ്വകാര്യബസ്‌ സ്റ്റാണ്റ്റ്‌ കുപ്പത്തൊട്ടിയായി. ചീഞ്ഞുനാറുന്ന ബസ്‌ സ്റ്റാണ്റ്റ്‌ ബഹിഷ്കരിയ്ക്കാനുള്ള നീക്കത്തിലാണ്‌ ബസ്‌ തൊഴിലാളികള്‍. ചാക്കുകെട്ടുകളിലാക്കിയും അല്ലാതെയും സ്റ്റാണ്റ്റില്‍ മാലിന്യം കൊണ്ടുവന്ന്‌ തള്ളിയിരിയ്ക്കുകയാണ്‌. മഴ തുടങ്ങിയതോടെ ഈ മാലിന്യകൂമ്പാരത്തില്‍ നിന്ന്‌ മലിനജലം ബസ്‌ പാര്‍ക്കിങ്ങ്‌ ഏരിയായിലേയ്ക്കും ആളുകള്‍ ബസ്‌ കാത്തുനില്‍ക്കുന്നിടത്തേയ്ക്കും ഒഴുകിയെത്തും. ദുര്‍ഗന്ധം മൂലം മൂക്കുപൊത്തി വേണം യാത്രക്കാര്‍ക്കും ജീവനക്കാര്‍ക്കും ഇവിടെ നില്‍ക്കാന്‍. ഹാള്‍ട്ടിങ്ങ്‌ സമയത്ത്‌ ബസിലിരിയ്ക്കാനോ, ഉച്ചഭക്ഷണം കഴിയ്ക്കാനോ പോലും പറ്റാത്ത അവസ്ഥയാണ്‌.
കോടികള്‍ ചെലവിട്ട്‌ നിര്‍മ്മിച്ച സ്റ്റാണ്റ്റ്‌ അക്ഷരാര്‍ത്ഥത്തില്‍ തന്നെ ഇപ്പോള്‍ നഗരസഭയുടെ കുപ്പത്തൊട്ടിയായി മാറിയിരിയ്ക്കുന്നു. ഈ നില തുടര്‍ന്നാല്‍ സ്റ്റാണ്റ്റ്‌ ബഹിഷ്കരണമല്ലാതെ മറ്റു വഴിയില്ലെന്ന്‌ പ്രൈവറ്റ്‌ ബസ്‌ വര്‍ക്കേഴ്സ്‌ യൂണിയന്‍ (സി.ഐ.ടി.യു) പ്രസിഡണ്റ്റ്‌ അഡ്വ.എന്‍.സി മോഹന്‍, സെക്രട്ടറി കെ.ഇ നൌഷാദ്‌ എന്നിവര്‍ വ്യക്തമാക്കി.
No comments:
Post a Comment